Олимпиадаға барудан бас тартқан Рыбакина күтпеген мәлімдеме жасады
STUTTGART, GERMANY - APRIL 21: Elena Rybakina of Kazakhstan talks to the media after defeating Marta Kostyuk of Ukraine in the singles final on Day Seven of the Porsche Tennis Grand Prix Stuttgart 2024 at Porsche Arena on April 21, 2024 in Stuttgart, Germany (Photo by Robert Prange/Getty Images)
Нью-Йоркте өтіп жатқан US OPEN турнирінің екінші айналымында қазақстандық теннисші Елена Рыбакина ойнамайтын болды, деп хабарлайды Politico.kz.
US OPEN турнирінің екінші айналымдық матчында Қазақстанның бірінші, әлемнің төртінші ракеткасы Елена Рыбакина француз спортшысы Джессика Поншеге қарсы ойнауы тиіс болатын. Алайда кездесуге бір сағат қалғанда ұйымдастырушылар Рыбакинаның кортқа шығудан бас тартқаны туралы хабарлады.
Өкінішке қарай, жарақаттарыма байланысты бас тартуға мәжбүр болдым. Сезонның соңғы “Үлкен дулыға” турнирін осылай аяқтағым келмеді, бірақ ағзамды тыңдауым керек болды. Жыл соңындағы жарыстарды сәтті өткіземін деп ойлаймын. Мені қолдаған және қолдап жатқан барлық жанкүйерлеріме алғыс білдіремін. Ал қалған ойыншыларға сәттілік! – деп мәлімдеме жасады Елена Рыбакина.
Айта кетейік, бұл қазақстандық теннисшінің бірінші рет ойыннан бас тартуы емес. 2022 Уимблдон чемпионы биылғы сезонды үш титулмен өте жақсы бастаған. Сосын Доха мен Майами мастерстерінің финалында ойнады. Алайда денсаулығына байланысты бірнеше турнирден бас тартты. Атап айтсақ, Дубай, Индиан Уэллс, Рим, Канада мастерстері және Париж Олимпиадасы.
АҚШ ашық біріншілігінің жекелей сынында тағы бір спортшымыз Путинцева жарысты жалғастырып жатыр. Юлия бүгін қытай теннисшісі Ван Синьюйды жеңіп, үшінші айналымға жолдама алды.
Фото: Robert Prange/Getty Images
ПІКІР ЖАЗУ
