1 қыркүйектегі салтанатты жиын алдында оқушы қыз мұғалімге пышақпен шабуыл жасаған

Оқушы қыз физика пәнінің мұғаліміне бұрышты газ баллонын шашып, артынша пышақпен шабуыл жасаған. Оқиға Ресейдің Красноярск өлкесінің Канск қаласында 1 қыркүйекке арналған салтанатты жиын басталар алдында болған, деп хабарлайды Politico.kz.

Kras Mash Telegram-арнасының жазуынша, мектеп директоры оқиға орнында қазіргі уақытта тергеушілер жұмыс істеп жатқанын хабарлаған.

Алдын ала мәлімет бойынша, жетінші сынып оқушысы салтанатты жиын алдында мұғалімге бұрышты газ баллонын шашып, кейін оған пышақпен шабуыл жасаған.

Оқушылардың бірінің анасы мұғалімге көмекке келіп, шабуыл жасаған қызды дәлізге қарай итеріп шығарған.

Ресейдің 112 арнасының хабарлауынша, Канск қаласында газ баллонынан шашылған заттан жеті адам, оның ішінде бес бала зардап шеккен.

Куәгерлердің айтуынша, оқушы қыз ішінде жанғыш қоспасы бар бөтелкені де лақтыруға әрекет жасаған.

Мұғалім оқушы қыз пышақ Ресей шабуыл