Air Astana мен FlyArystan Каспийде зардап шеккен және қаза тапқан сарбаздардың туыстарына тегін билет береді

Air Astana мен FlyArystan әуекомпаниялары Маңғыстау облысындағы әскери оқу-жаттығу кезінде қаза тапқан және аман қалған сарбаздардың жақындарына тегін әуебилеттерін ұсынады, деп хабарлайды Politico.kz.

Әуе тасымалдаушыларының баспасөз қызметінің хабарлауынша, бұл көмек қаза тапқан әскерилердің жақындарына, сондай-ақ аман қалған жауынгерлер мен олардың отбасы мүшелеріне арналған. Тегін билеттер 2026 жылдың 25 қыркүйегі мен 3 қазаны аралығында ел ішіндегі барлық тұрақты рейстерге беріледі.

Жеңілдік алатын жақын туыстар қатарына марқұмдар мен зардап шеккендердің ата-аналары, жұбайлары, балалары, сондай-ақ туған аға-інілері мен әпке-сіңлілері кіреді. Орындарды рәсімдеу және брондау кезінде туыстық қатынасты растайтын ресми құжаттарды ұсыну қажет.

билет Каспий теңізі Сарбаз Ұшақ

Air Astana мен FlyArystan Каспийде зардап шеккен және қаза тапқан сарбаздардың туыстарына тегін билет береді

Соңғы жаңалықтар