Алаштықтар халықтарды дін негізінде емес, тіл негізінде біріктірген - Сұлтан Хан Аққұлы

Тарих ғылымдарының докторы Сұлтан Хан Аққұлы Qasqa Jol YouTube арнасына берген сұхбатында ғалымдар Алаш қозғалысына тарихи маңызы жоқ құбылыс ретінде қарайды деген пікір айтты, деп хабарлайды POLITICO.KZ. 
Сондай-ақ ол Алаш идеясының астарында халықтарды дінімен емес, тілімен біріктіру жатқанын атап өтті.

«Алаш идеясының астарында түркі тілдес халықтарды дін негізінде емес, қандық, тілдік, мәдени, шаруашылық ортақтығы негізінде біріктіру жатыр.
Өйткені 1917 жылдың 8-қазанында болған съезден Әлихан Бөкейхановтың Сібір федерациясына қосылуға ниетінен мұны білуге болады.
Ал егер дін негізінде біріксек, якут, бурят, алтай халықтарын біз сыртта қалдырар едік», – деді ол.