Алматыда иесіз ғимарат жанынан қару-жарақ салынған жұмбақ қап табылды

Алматы қаласының Түрксіб ауданындағы жеке секторда иесіз қалған ғимараттың маңынан ішінде қару-жараққа ұқсас заттар салынған күмәнді қап табылды, деп хабарлайды Politico.kz.

Оқиға бойынша полиция тексеру жұмыстарын бастады.

Алдын ала мәліметке сәйкес, қаптың ішінен «Сайга» үлгісіндегі ойық ұңғылы карабинге ұқсас қару, оған арналған 10 оқ-дәрі, сондай-ақ тапанша мен оған тиесілі 4 патрон тәркіленген.

Тәркіленген заттардың барлығы сот-баллистикалық сараптамаға жолданды. Сараптама нәтижесінде олардың нақты түрі мен қолданылу ерекшеліктері анықталады.

Қазіргі уақытта құқық қорғау органдары қарудың кімге тиесілі екенін, оның қандай жағдайда аталған жерге тасталғанын және бұрын қандай да бір құқық бұзушылықтарда пайдаланылған-пайдаланылмағанын анықтап жатыр. Осы бағытта кешенді жедел-тергеу шаралары жүргізілуде.

Ұлытау облысының жаңа әкімі «Қазақмыс» нысандарын аралап, ірі жобалармен танысты

“Ауылдансыңдар, колхозсыңдар»: Тұрсынбек Қабатовтың қызының сөздері дауға айналды

Алматы Полиция тапанша Тергеу қару жарақ

Алматыда иесіз ғимарат жанынан қару-жарақ салынған жұмбақ қап табылды

Соңғы жаңалықтар