Анасы 1 жастағы баласын жалдамалы пәтерде үш күн жалғыз қалдырып кеткен

Әзербайжанның Товуз облысында бір жас екі айлық сәби жалдамалы пәтерде жалғыз қалдырылып, бұл жағдай қоғамда алаңдаушылық тудырды. Бұл туралы  POLITICO.KZ Azattyq Rýhy сайтына сілтеме жасап хабарлады.

Ішкі істер министрлігінің Гянджа облыстық басқармасы таратқан мәліметке сәйкес, Товуз аудандық полиция қызметкерлері оқиға орнына дереу жетіп, баланың қауіпсіздігін қамтамасыз еткен.

Сәби ауруханаға жеткізіліп, қажетті медициналық көмек көрсетілді. Дәрігерлер оның жағдайын тұрақты деп бағалады. Тексеру барысында баланың анасы табылып, оның аудандағы дәмханалардың бірінде жұмыс істейтіні анықталды. Полиция әйелмен профилактикалық сипаттағы түсіндіру жұмыстарын жүргізіп, сәбиді анасына қайтарды. Қазіргі таңда аталған оқиға бойынша тергеу амалдары басталды. Бұл жағдай бала қауіпсіздігі мен ата-аналық жауапкершілік мәселесіне қоғам назарын аударды.