Ақтауда полицейлерді "мусор" деп балағаттаған жасөспірімнің үстінен іс қозғалды

АҚТАУДА ПОЛИЦЕЙЛЕРДІ БАЛАҒАТТАҒАН ЖАСӨСПІРІМНІҢ ҮСТІНЕН ІС ҚОЗҒАЛДЫ, ДЕП ХАБАРЛАЙДЫ POLITICO.KZ САЯСИ-ӘЛЕУМЕТТІК ПОРТАЛЫ, LADA.KZ-ке СІЛТЕМЕ ЖАСАП.

Ақтауда полиция қызметкерлерін балағаттаған кәмелетке толмаған жасөспірімнің үстінен қылмыстық іс қозғалды. Оқиға 21 тамызда патрульдік полицейлер мемлекеттік нөмірі жоқ мотоциклді тоқтатқан кезде болған. Жасөспірім мотоциклді тәркілеу кезінде тәртіп сақшыларына тіл тигізіп, бейнеге түсіріп алған.

Патрульдік полиция қызметкерлері қала көшелерінде мемлекеттік нөмірлік белгісі жоқ мотоциклді байқап, тоқтатқан. Оны кәмелетке толмаған жасөспірімнің басқарып келе жатқаны анықталған. Заңға сәйкес, полиция көлік құралын тәркілеп, айыптұраққа қою процесін бастаған кезде, жасөспірім оларға қарсылық білдіріп, қызметкерлерді «мусор» деп атап, дөрекі сөздер айтқан.

Осы оқиғадан кейін жасөспірімге қатысты дереу шара қабылданды. Билік өкілін балағаттағаны үшін жасөспірімге қатысты қылмыстық іс қозғалды. Баласының әрекеті үшін оның ата-анасына әкімшілік айыппұл салынды.

Барлық шаралар қабылданғаннан кейін, жасөспірім өз әрекетінің дұрыс болмағанын мойындап, полиция қызметкерлерінен кешірім сұрап, видеоүндеу жазды.