Астанада балабақшада тәрбиеші баланың басын қабырғаға соққан

Астана қаласындағы «Алтоша» балабақшасында тәрбиеші үш жасар балаға физикалық күш қолданған, деп хабарлайды POLITICO.KZ

Бұл туралы KopSoz Telegram арнасы жазды. Анасы баласының денесінен көгерген іздерді байқап, бейнебақылау камераларындағы жазбаларды қарауды талап еткен.

Бейнежазбада балабақша қызметкерінің баланы қатты жұлқылап, басын қабырғаға соққаны тіркелген. Полиция шақырылғаннан кейін тәрбиеші өзіне зиян келтіремін деп қорқытқан.

Анасының айтуынша, оқиғадан кейін тілі енді шыға бастаған бала сөйлеуін қойған.

Астана балабақша балалар тәрбиеші