Астанада қару клубында жас жігіт өз-өзіне қол жұмсады

Астана қаласындағы "Keiki Mergen" қару клубында қайғылы оқиға тіркелді, деп хабарлайды POLITICO.KZ.

19 жастағы жігіт жаттығу кезінде "Tanfoglio Limited Custom" маркалы тапаншамен нысанаға бірнеше рет оқ атып, кейін қаруды өз басына бағыттап, өз-өзіне қол жұмсады.

Инструктор дереу жедел жәрдем мен полиция шақырған. Келген дәрігерлер ер адамның оқиға орнында қайтыс болғанын растады. Жас жігіттің қалтасынан әпкесіне арналған хат табылды. Онда ол өзінің өліміне ешкімді кінәламауды өтінген.

Оқиға бойынша қылмыстық іс қозғалып, тергеу амалдары басталды. Қазіргі уақытта қайғылы оқиғаның себептері мен мән-жайы анықталуда.