Атырау – Астрахань тас жолының реконструкциясы аяқталды

Екі есе жылдамдық: Атырау – Астрахань жолындағы жаңалықтар.

Атырау – Астрахань тас жолының реконструкциясы аяқталды, деп хабарлайды POLITICO.KZ.

Бұл туралы "ҚазАвтоЖол" ұлттық компаниясының өкілдері мәлімдеді.

Жаңартылған трасса екі жолақтан тұрады: әр бағытқа бір жолақ қарастырылған. Жоба аясында алты көпір мен бір жол өткелі салынып, трасса бойына 650-ден астам жарықтандыру бағаналары орнатылды. Сонымен қатар демалуға арналған 10 арнайы алаң салынды.

Реконструкция жұмыстары 2018 жылы басталып, Еуропалық қайта құру және даму банкінің қаржыландыруымен жүзеге асырылды. Бұрын бұл бағытты бес сағатта жүріп өтсе, енді сапарға екі сағат жеткілікті.

"ҚазАвтоЖол" өкілдері бұл жоба аймақ тұрғындары үшін тасымал жылдамдығын арттырып қана қоймай, қауіпсіздікті де едәуір жақсартатынын атап өтті.

жол