Атырау облысындағы мұнай кенішінде өрт шықты

Атырау облысында Батыс Прорва кенішінде мұнай ұңғымасы өртенді

Атырау облысында орналасқан Батыс Прорва кен орнында мұнай ұңғымасы өртенді. "Ембімұнайгаз" компаниясы оқиғаға байланысты ресми түсініктеме берді, деп хабарлайды POLITICO.KZ.

Компанияның мәліметінше, "Жылыоймұнайгаз" мұнай-газ өндіру басқармасына қарасты №437 ұңғымада перфорациядан кейін газ шығып, сорғы-компрессорлық құбыр істен шыққан. Осыдан кейін өрт тұтанған.

“Жылыоймұнайгаз” мұнай-газ өндіру басқармасының Батыс Прорва кенішінің N437 ұңғымасында перфорациядан кейін, сорғы-компрессорлық құбырды түсіру кезінде газ шықты, осыдан кейін сорғы-компрессорлық құбыр істен шықты” деп жазылған компания хабарламасында.

Желіде оқиға орнынан түсірілген видео тарады. PetroCouncil телеграм-арнасының хабарлауынша, өрттің биіктігі шамамен 20 метрге жеткен.

Өрттің нақты себебі анықталуда. Мамандар оны сөндіру және жағдайды тұрақтандыру жұмыстарын жалғастыруда.

Атырау облысы мұнай-газ