Атырауда бірнеше адам газдан уланып көз жұмды

Атырау қаласындағы Томарлы ауылында қайғылы оқиға болды, деп хабарлайды Politico.kz.

Жеке тұрғын үйде үш адам газдан уланып қайтыс болды. Төтенше жағдайлар қызметінің хабарлауынша, үй ішінде 1958 жылы туған ерлі-зайыпты мен 1956 жылы туған ер адам болған. Үшеуі де дәрігерлер келгенге дейін оқиға орнында көз жұмған.

Алдын ала болжам бойынша, қайғылы жағдай табиғи газбен жұмыс істейтін жылыту пешін пайдалану талаптарының бұзылуынан болған.

Қазіргі уақытта оқиғаның нақты себептері анықталып жатыр.

Атырау газдан улану төтенше жағдай Қайғылы жағдай