«Ауруы қозып кетеді»: танымал қазақстандық әнші қызының аутизммен ауыратынын айтты (ВИДЕО)

Диета тобының әншісі Жасұлан Базарбаев қызының аутизммен ауыратынын жеткізді, деп хабарлайды POLITICO.KZ.

Өнер иесі бұл туралы «КЕЗДЕСУ» ютуб арнасына берген сұхбатында айтты.

«Негізгі диагнозы – аутизм. Біз жеті жарым жыл тоқтамай айналысып келе жатырмыз. Өзімнің үйім бар. Бірақ біреудің үйін жалдап отырамын. Неге? Өйткені жалдап отқан үйдің жанында қызымның мектебі бар. Сол қызыма бола, қызым қиналмасын, ертерек барып келсін деп жалдап отырмыз. Кейде сыныпқа кірмей қалатыны бар, кейде ауруы қозып кететіні бар. Тіпті, кейде өзінің басын қабырғаға ұрып кететіні бар. Сондай кезде жүгіріп баруға, апарып алып келуге үйдің жақын болғаны керек», - деді Жасұлан Базарбаев.