Бишімбаевтың туысы Байжанов түрмеден шығады: ол бүгін отбасына оралмақ

Экс-министр Қуандық Бишімбаевтың ісі бойынша сотталған Бақытжан Байжанов рақымшылыққа ілігіп, бостандыққа шығады. Бұл туралы оның адвокаты Ғазиз Ынтықбаев мәлімдеді, деп хабарлайды Politico.kz.

Бүгін Степногорск қалалық сотында Бақытжан Байжановтың рақымшылық жасау туралы өтініші қаралды.

Адвокаттың айтуынша, Байжанов Қазақстанда жаңа Конституцияның қабылдануына байланысты жарияланған рақымшылық шарасы аясында босатылады.

«Бүгін түске дейін сот отырысы өтті. Түстен кейін сот қаулысы жазасын өтеп жатқан мекемеге жіберіледі. Осы құжаттың негізінде Бақытжан Байжанов дереу босатылуы тиіс. Бүгін ол отбасына оралады», – деді Ғазиз Ынтықбаев.

Қазіргі таңда Байжановтың жазасын өтеу мерзімінің аяқталуына үш айдан сәл ғана астам уақыт қалған.

Еске салайық, Бақытжан Байжанов Салтанат Нүкенованың өліміне қатысты іс бойынша қылмысты жасырғаны үшін төрт жылға бас бостандығынан айырылған еді. Кейін оның жазасын өтеу мерзімі қысқартылған болатын.

Амнистия Бақытжан Байжанов Салтанат Нүкенова Қуандық Бишімбаев

Бишімбаевтың туысы Байжанов түрмеден шығады: ол бүгін отбасына оралмақ

Соңғы жаңалықтар