Дәрігер науқастарын коктейль беріп өлтірген

Берлинде 15 науқасты «улы коктейльмен» өлтірді деген күдікпен дәрігерге қатысты сот басталды

Берлинде паллиативтік медицина саласының дәрігеріне қатысты сот отырысы басталды. Ол 15 науқасты қасақана өлтірді деп айыпталуда. Тергеу деректері бойынша, дәрігер емделушілерге медициналық препараттардан дайындалған «улы коктейль» қолданған. Бұл туралы «Радио Свобода» хабарлады.

Айыпталушы өз кінәсін мойындамай отыр. Сотта шамамен 150 куәгердің жауап беруі күтіледі. Тыңдаулар 2026 жылдың қаңтарына дейін созылуы мүмкін.

Қаза тапқан 13 науқастың туыстары дәрігерге қарсы азаматтық талап қойған. Германия заңнамасына сәйкес, сотталушының аты-жөні жария етілмейді.