Елімізде 16 жасқа толмағандарды әлеуметтік желіге тіркеуге тыйым салынуы мүмкін

Мемлекет басшысы Қасым-Жомарт Тоқаев Құрылтайдың алғашқы сессиясында 16 жасқа толмаған балаларды әлеуметтік желіге тіркеуге тыйым салу мәселесін тағы да көтерді, деп хабарлайды Politico.kz.

Президент бұл туралы бұған дейін республикалық Тамыз конференциясында айтқан болатын.

Тоқаевтың айтуынша, өскелең ұрпақтың қолайлы, ең бастысы, қауіпсіз ортада өмір сүруі үшін барынша жағдай жасауымыз керек.

«Осы орайда Үкімет 16 жасқа толмаған балалардың әлеуметтік желіге тіркелуіне заң арқылы тыйым салуды ұсынып отыр.Бұл мәселеге таяуда өткен Тамыз конференциясында арнайы тоқталып өттім. Мұндай шара әлемнің көптеген елінде қабылданып жатыр. Мен мұны қолдаймын. Осы жұмысқа баса назар аудару қажет деп санаймын», - деді Тоқаев.

Президенттің сөзінше, тиісті заңды қабылдасақ, оны толығымен жүзеге асыру мәселесін ойлауымыз керек, себебі, қауқарсыз заң ешкімге қажет емес.

Балалар тыйым салу Қасым-Жомарт Тоқаев Әлеуметтік желі

Бізді Google-дың негізгі дереккөздер тізіміне қосыңыз

Қосу

Елімізде 16 жасқа толмағандарды әлеуметтік желіге тіркеуге тыйым салынуы мүмкін

Соңғы жаңалықтар