Елімізде ең төменгі жалақы 150 мың теңгеге көтерілуі мүмкін

Еліміздегі ең төменгі жалақының мөлшерін 150 мың теңгеге дейін жеткізу жоспарланып отыр. Бұл туралы үкімет кулуарында ұлттық экономика бірінші вице-министрі Азамат Әмрин айтты, деп хабарлайды Politico.kz.

Оның айтуынша, үкімет ең төменгі жалақыны кезең-кезеңімен арттыру мәселесін қарастырып отыр. Алайда ең төменгі жалақы нақты қашан 150 мың теңге болатыны әлі белгісіз.

Азамат Әмриннің айтуынша, бұл шешім бір ғана факторға емес, бірнеше экономикалық көрсеткішке байланысты қабылданады.

«Қазір ең төменгі жалақының мөлшері 85 мың теңгені құрайды. Ал әлемдік тәжірибе бойынша оның көлемі медиандық жалықының 50 процентіне тең. Бізде медиандық жалақы – 302 теңге. Бұл дегеніміз, біздің міндетіміз - алдағы уақытта ең төменгі жалақыны 150 теңгеге дейін жеткізу», - дейді Амрин.

Оның айтуынша, барлығы республикалық бюджетке түсетін қаржының көлеміне байланысты. Егер кірістер көп болса, ең төменгі жалақыны көтеруге қаржылық мүмкіндік болады.

айлық ең төменгі жалақы Жалақы Ұлттық экономика министрлігі

Елімізде ең төменгі жалақы 150 мың теңгеге көтерілуі мүмкін

Соңғы жаңалықтар