Елімізде Конституциялық комиссия құрылды

Мемлекет басшысы Конституциялық реформа жөніндегі комиссияны құру туралы жарлыққа қол қойды, деп хабарлайды Politico.kz.

Ақорданың хабарлауынша, Жарлыққа сәйкес Конституциялық комиссия құрамы бекітіледі. 

Осы Жарлықтың орындалуын бақылау Президент Әкімшілігіне жүктелді.

Конституциялық реформа жөніндегі комиссияның құрамы:

• Әзімова Эльвира Әбілқасымқызы ‒ Қазақстан Республикасы Конституциялық сотының төрағасы, Конституциялық комиссияның төрағасы,
• Қарин Ерлан Тынымбайұлы – Қазақстан Республикасының мемлекеттік кеңесшісі, Конституциялық комиссия төрағасының орынбасары,
• Балаева Аида Ғалымқызы ‒ Қазақстан Республикасы премьер-министрінің орынбасары – мәдениет және ақпарат министрі, Конституциялық комиссия төрағасының орынбасары,
• Жарылғанов Айдар Төлетайұлы – Қазақстан Республикасы президенті әкімшілігі мемлекеттік құқық бөлімінің меңгерушісі, Конституциялық комиссияның хатшысы.

Комиссия мүшелерімен мына жерден танысуға болады.

Еске сала кетейік, президент Ұлттық құрылтайдың V отырысында Конституциялық комиссия құру туралы жарлыққа қол қоятынын хабарлаған еді. 

Мемлекет басшысының айтуынша, жаңа Конституция қабылдаумен пара-пар қадам жасалғалы тұр.

Комиссия құрамына 100-ден астам азамат кіреді.

«Жалпы, бастапқыда Парламенттік реформа аясында Ата заңның 40-қа жуық бабын өзгерту жоспарланған еді. Алайда жұмыс барысында түзетулер саны әлдеқайда көп екені белгілі болды», - дейді Тоқаев құрылтай отырысында.