Ер адам бір жастағы баласының жылағанын көтере алмай, өлтіріп тастаған

Баку қаласындағы Ауыр қылмыстар жөніндегі сотта бір жастағы қызын аса қатігездікпен өлтірді деп айыпталған Валерий Толмачевке қатысты қылмыстық іс бойынша тергеу аяқталып, үкім шығарылды.

Судья Фарид Намазовтың төрағалығымен өткен соңғы сот отырысында мемлекеттік айыптаушы ер адамды 18 жылға бас бостандығынан айыруды ұсынған еді. Алайда, кеңесу нәтижесінде сот Толмачевті 16 жылға бас бостандығынан айыру туралы шешім шығарды.

Қанды оқиға 2024 жылдың 8 қарашасында Баку қаласының Бинагади кентінде орын алған. Тергеу мәліметтері бойынша, Валерий Толмачев азаматтық некеде бірге тұрып жатқан Севда Годжаеваның бір жасар қызы — Медина Толмачеваның (Годжаева) (2023 жылы туған) жылағанына шыдай алмай, сәбиін ұрып өлтірген.

Оқиға кезінде алкогольдік мас күйде болған ер адам нәрестенің жылауына ашуланып, оның басын бірнеше рет қабырғаға ұрған. Салдарынан бала оқиға орнында көз жұмған.

Осы қылмысқа байланысты Толмачевке қатысты Әзербайжан Республикасының Қылмыстық кодексінің 120.2.9-бабы бойынша іс қозғалды. Аталған бап — шарасыз күйдегі адамды қасақана өлтіру (оның ішінде адам ұрлау немесе кепілге алу жағдайларымен ұштасқан кісі өлтіру) — аса ауыр қылмыс саналады.

Дереккөз: politico.kz