«Есімі ешқашан ұмытылмайды»: Тоқаев Назарбаев туралы айтып, әділеттілік мәселесін көтерді

Мемлекет басшысы Республика күніне арналған салтанатты жиында сөз сөйледі, деп хабарлайды Politico.kz.

«Біз бәріміз біртұтас қоғам болып Әділетті Қазақстанды құру ісін қолға алдық. Әділеттілік қағидаттарын халқымыз арасында дәріптеп жатырмыз. Шын мәнінде, әділеттілік ең жоғары рухани құндылық десек дұрыс болады. Жаңа партияға «Әділет» атауын бердік». – деді мемлекет басшысы.

Жиында Тоқаев Назарбаевтың есімі ешқашан ұмытылмайтынын айтты. Айтуынша, тарихи үрдістерге әділетті көзбен қарап, әділ баға беруіміз керек.

«Сондықтан Егемен Қазақстанның негізін қалауға, оның өте күрделі экономикалық жағдайда дамуына, еліміздің көптеген тарихи жетістікке қол жеткізуіне зор үлес қосқан Тұңғыш Президент Нұрсұлтан Әбішұлы Назарбаевтың есімі ешқашан ұмытылмайды деп ойлаймын. Себебі, бұл – әділеттілікке сай келетін мәселе», - деді президент.