«Іздеймін, мейіріміне мұқтажбын»: Айнұр Тұрсынбаева анасы туралы айтты
Танымал коуч, психолог, айтыскер ақын Айнұр Тұрсынбаева парақшасында анасы туралы жантебірентерлік жазба жариялады, деп хабарлайды Politico.kz.
Тұрсынбаева желідегі парақшасына анасының туған күнінен түсірілген видеоны салып, оған ризашылығын жеткізді.
«Мені 9 ай 10 күн көтеріп, тар құрсағын кеңітіп, тас емшегін жібітіп тапқан анам – осы кісі…
Аты Манат… Мен, бірақ, қазақтың менталитетімен шешемді «шеше» демеген адаммын..Әлі күнге атымен айтамын.. Бірақ іштей жақсы көремін, жүрегім елжірейді, іздеймін, мейіріміне мұқтажбын.. @karakat_a орындайтын «АЯУЛЫ АНАМ» осы кісіге арнап жазылған... Марқұм апам өле-өлгенше бөлектеп, қызғанып өтті... Маған деген шексіз махаббатын солай көрсетіп кетті..
Бүгін Аллахтың қалауымен анамыз 68 жасқа толып жатыр.. Аллах бұл кісіні сүйеді.. Себебі отбасынан да, балаларынан да тек жақсылық көріп отыр.. 11 немересінің сүйікті әжесі.. Аллах анамызға иман байлығын нәсіп етсе екен, ауырмаса екен деп дұғамнан тастамай отырамын... Ин ша Аллах бірге қажылыққа да баратын күн алыс емес.. Маған ақылды сіңлілер, сабырлы бауыр туып бергенің үшін мың алғыс...Лайым, аналарымыз аман жүрсін...
Егер сіздің әке-шешеңізбен қарым-қатынасыңыз әлі салқын болса, олардың қасында өзіңізді ызалы сезінсеңіз, олардың хабарласқаны, шағым айтқаны, ақша сұрағаны, сізден қамқорлық қалағаны жүйкеңізге тисе, шешімі - ретрит!», - деп жазды Тұрсынбаева.
Соңғы жаңалықтар
