Іздеуде жүрген Қайсар Қамза мәлімдеме жасады

Қайсар Қамзаға іздеу жарияланғаннан кейін блогер әлеуметтік желіге шықты, деп хабарлайды Politico.kz.

Ол Instagram парақшасындағы сторисінде «бәрі дұрыс» деген жазба қалдырды.

Жарияланған суреттен блогердің уайымсыз дастарқан басында ішімдік ішіп отырғанын көруге болады.

Еске сала кетейік, күні кеше Қаржылық мониторинг агенттігі қазақстандық танымал блогер Қайсар Қамзаға ресми түрде іздеу жариялады.

Іздеу шараларын Қаржылық мониторинг агенттігінің Астана қаласы бойынша экономикалық тергеп-тексеру департаменті жүргізіп жатыр.

Айта кетейік, Қайсар Қамза – әлеуметтік желілерде кеңінен танымал блогер. Оның Instagram парақшасында 2,6 миллионнан астам оқырманы бар, ал TikTok-тағы жазылушыларының саны 340 мыңнан асады.

Іздеу блогер Қайсар Қамза Қаржылық мониторинг агенттігі