Банк қызметкерлері қатысқан ОПГ: Төрт қазақстандық банк прокуратура мәлімдемесіне жауап берді

Kaspi Bank, Forte Bank, «Еуразиялық банк» және Alatau City Bank Ақмола облысы прокуратурасының 2 қыркүйекте таратқан ақпаратына қатысты бірлескен мәлімдеме жасады. Мәлімдеме Қазақстан қаржыгерлері қауымдастығының сайтында жарияланды.

Банктердің хабарлауынша, олар прокуратура органдарынан өздерінің қазіргі немесе бұрынғы қызметкерлерінің осы тергеуге қатысты екендігі туралы ешқандай ресми хабарлама алмаған. Қазіргі уақытта банктер бұл іс бойынша ақпарат алу үшін прокуратураға ресми сауал жолдауға ниетті.

Банктер жарияланған ақпаратты растайтын ресми құжаттарды алғаннан кейін, клиенттердің құқықтары мен мүдделерінің бұзылуын тергеуде құқық қорғау органдарына барынша көмек көрсетуге дайын екендіктерін білдірді.

Сонымен қатар, қаржы қауымдастығы прокуратура мен басқа да құқық қорғау органдарын қаржы институттарының іскерлік беделіне нұқсан келтіруі мүмкін сезімтал тақырыптар бойынша жария мәлімдеме жасауда салмақты болуға шақырды.

«Банктерге прокуратура органдарынан олардың бұрынғы немесе қазіргі қызметкерлерінің осы тергеу ісінің тергеу ағымына қатыстырылғандығы туралы ресмі хабарлама жеткізілген жоқ. Қазіргі уақытта банктер прокуратура органдарына осы іс бойынша ақпаратты ұсыну сұрауымен жүгінуді жоспарлап отыр.

Қазіргі таңда банктерге олардың бұрынғы немесе қазіргі қызметкерлерінің осы қылмыстық іс жүзіндегі жағдайларға қатысы барлығы туралы деректер белгісіз.

Жарияланған ақпаратты растайтын ресмі құжаттарды алғаннан кейін, барлық банктер клиенттердің құқықтары мен мүдделерінің кез келген бұзылуын тергеуде құқыққорғау органдарына ең жоғары деңгейде көмек көрсетуге дайын.

Жоғарыда аталған барлық банктер өздерінің бизнес беделіне құн береді және қызметтерін Қазақстан Республикасының және басқа да юрисдикциялардың заңдарына, халықаралық келісімдерге, Қазақстан Республикасының өкілетті органдарының нормативтік-құқықтық актілеріне, сондай-ақ ішкі нормативтік құжаттарына сәйкес ашық және мінсіз жүзеге асырады.

Қазақстанның кәсіби қаржы қауымдастығы прокуратура органдарын және Қазақстан Республикасының басқа да құқыққорғау органдарын қаржы институттарының бизнес беделіне қауіп төндіруі мүмкін сезімтал тақырыптар бойынша ресми мәлімдемелерді тепе-теңдікпен жасауға шақырады», делінген мәлімдемеде.

Естеріңізге сала кетейік, 2 қыркүйекте Ақмола облысының прокуратурасы әлеуметтік осал топтағы азаматтардың атына ірі несие рәсімдеген ұйымдасқан қылмыстық топқа қатысты тергеуді аяқтағанын хабарлаған болатын. 

Сурет: azattyq-ruhy.kz