«Көліктің үстіне шығып кетуге мәжбүр болды»: Димаштың Лондондағы концертінде күтпеген жағдай болды (ВИДЕО)

Лондондағы әйгілі OVO Arena Wembley сахнасында әлемге танымал қазақстандық әнші Димаш Құдайбергеннің «Stranger» жеке туры аясындағы концерті өтті, деп хабарлайды POLITICO.KZ.

Концерттен кейін жанкүйерлер әншіні қоршап алып, жібергісі келмей оның көлігін қоршап алды.

Видео әншінің жеке әлеуметтік желідегі парақшасында жарияланды. Жанкүйерлерінің ықыласына бөленген әнші, көліктен түсіп, оның төбесіне шығып, сол жерден қолтаңба беріп, олармен бірге суретке түсті.

Жиналғандар хормен оның «Ұмытылмас күн» әнін орындады.

«Бұл видео концерттен кейін біз тоқтаған қонақүй алдында түсірілген. Барлығына алғыс айту үшін көлік төбесіне шығуға тура келді», — делінген видеоға жазылған мәтінде.