Күніне 10-15 жұмыртқа жеймін: жаттықтырушы дұрыс тамақтану туралы айтты

«Маман кеңесі» бағдарламасында дұрыс тамақтану тақырыбы талқыланып, студия қонағы жаттықтырушы Азамат Садуақасов өз тәжірибесін бөлісті,деп хабарлайды POLITICO.KZ.

Жаттықтырушының айтуынша, денсаулықты сақтау үшін ақуыздың маңызы зор.

«Мен өзім күніне 10-15 жұмыртқа жеймін. Өйткені жұмыртқа – ең тиімді ақуыз көзі. Дененің әр келісіне шамамен 2 грамм ақуыз қажет. Бірақ оның небәрі 30 пайызы ғана ағзада сіңеді. Егер менің салмағым 90 келі болса, күніне шамамен 180 грамм ақуыз қабылдауым керек», – деді ол.

Айтуынша, ақуызды тек ет немесе қоспалардан ғана емес, табиғи өнімдерден алу – ең пайдалы жол. Ал жұмыртқа – оның ең оңай әрі сапалы түрі.