Мұхаммед пайғамбардың өмірін бизнеске айналдырғандар елдің сынына ұшырады

Мұхаммед пайғамбардың өмірінен үзінділер көрсететін VR көзілдірігі желіде танымал бола бастады, деп хабарлайды POLITICO.KZ. 

VR көзілдірігін жарнамалаушылар 1400 жылға кейін қайтып, пайғамбардың қандай тұрмыс кешкенін көруге болатынын айтуда. Әлеуметтік желідегі видеолардан көзілдірік киген бірнеше келіншектің Бішкектегі мешіттердің бірінің ішінде жылап жатқанын көруге болады. 

Сонымен қатар, бұл көзілдіріктер Қазақстанға да келіп үлгерген. Желіде тараған кейбір видеолардан «VR арқылы Мұхаммед пайғамбарымыздың өмірімен танысу» деп үлкен тақтайшаға жазылғанын, көзілдіріктің таныстыру салтанаты өтіп жатқанын аңғаруға болады. 

Алайда, бұл көпшілікке жақпай қалды. 

Көбі хадисті ақша табу құралы етіп, бизнеске айналдырып жатқандарға наразы.