Нұрлан имам ер адамдарға қарғыс айтудан сақ болуды ескертті

Әлеуметтік желіде танымал Нұрлан имам ер азаматтарға үндеу жасап, қарғыс сөз айтудан аулақ болуға шақырды, деп хабарлайды POLITICO.KZ.

Имамның айтуынша, ер адамдардың сөздері әйелдердікіне қарағанда өткір келеді, сондықтан кез келген ауыр сөздің салдары болуы мүмкін.

“Мені еркектер қауымы жақсылап естіп алсын. ‘Әйелдің қарғысы боқ, әкенікі оқ’ дейді. Сол үшін ер адам аузынан шыққан әр сөзге жауапты. Егер әйелмен сөз таластырып қалсаңыз да, қарғыс айтпаңыз. Әсіресе, Құдай қосқан жарыңызға ауыр сөздерден сақ болыңыз. Өйткені періштелер әумин десе, оның салдары ауыр болуы мүмкін” – деді ол.

Нұрлан имам ер азаматтарды сабырлы болуға, сөздерін ойланып сөйлеуге шақырды.

#Нұрлан имам