Олигархтардың активтері елдегі әлеуметтік нысандарды салуға бағытталуда

Жалағаш ауылы жаңа спорт кешеніне қол жеткізеді, деп хабарлайды POLITICO.KZ.

Қазақстан үкіметі олигархтардан қайтарылған активтерден арнайы қор құрып, әлеуметтік маңызды нысандар салуға қаржы бөлуде. Алматы облысының Кеген ауданына қарасты Жалағаш ауылында жаңа спорт кешенін салуға 1,1 миллиард теңге қарастырылған.

Спорт кешенінде бокс, күрес және басқа да спорт түрлерімен айналысуға арналған бірнеше зал болады деп жоспарлануда.

«2024 жылы елімізде 90 дене шынықтыру-сауықтыру кешені салынды. Олардың басым бөлігі ауылдық жерлерде бой көтерді. Үкімет қайтарылған активтерден арнайы қор арқылы әлеуметтік маңызды нысандар салуға 50,6 миллиард теңге бөлді. Бұл қаражатқа төрт мектеп, бір музыкалық мектеп, көпсалалы аурухана, бір жатақхана, екі балабақша және бір спорт кешені салынады», – деп мәлімдеді министрлер кабинетінде.