“Оңай болған жоқ”: Дина Төлепберген қуанышты жаңалығын бөлісті

Белгілі тележүргізуші Дина Төлепберген көпшілікпен бұрын-соңды айтпаған қуанышын бөлісті. Журналист Каспий теңізінде 5 шақырымдық қашықтықты жүзіп өткенін жариялады, деп хабарлайды POLITICO.KZ.

Төлепберген Instagram парақшасында бұл жетістікке оңай жетпегенін, алайда өзіне үлкен сабақ болғанын жазды.

«Ал енді құттықтасаңыздар болады! Дина қыздарыңыз Каспийде 5 км жүзіп өтті. Шынымды айтсам, оңай болған жоқ. Көл болса да, теңіз дейтініміз бекер емес екен. Бірақ ол туралы ертең айтамын. Ал бүгін – өзіме алғыс айтып үйренуім керек. Бастысы, адамның мүмкіндігі шексіз екеніне тағы көзім жетті», – деп жазды тележүргізуші.

Желі қолданушылары тележүргізушінің жетістігін жоғары бағалап, жылы пікірлер қалдырды:

«Мықтылығыңызға тәнтіміз!», «Әйелдерге үлгі боларлық қадам жасадыңыз», «Жаңа мақсаттарға шабыт бердіңіз» деп жазды қолданушылары.