Оралда полиция майоры әріптесін пышақтады деген күдікпен қамалды – БАҚ

10 қараша 2026, 13:57 55

Оралда полиция майоры әріптесін пышақтады деген күдікпен қамалды – БАҚ — Фото: polisia.kz

Оралда полиция бөлімінің басшысы орынбасарының үстінен қылмыстық іс қозғалғаны хабарланды. Оған қарамағындағы қызметкерді пышақтады деген күдік келтіріліп отыр, деп хабарлайды Politico.kz.

Umarovnews басылымының хабарлауынша, Орал қаласындағы Абай полиция бөлімі бастығының орынбасары Дамир Ислямғалиев қарамағындағы полицеймен бірге ішімдік ішіп отырған кезде оның ішіне пышақ сұққан деген күдікке ілінген.

Оқиғадан кейін Ислямғалиев ұсталып, уақытша ұстау изоляторына қамалған. Ал жарақат алған полицей ауруханаға жеткізілген. Батыс Қазақстан облысы (БҚО) полиция департаментінің өзіндік қауіпсіздік қызметкерлері қылмыстық іс тіркеген.

Басылымның жазуынша, зардап шеккен полицей Ислямғалиевке ешқандай шағымы жоқ екенін айтып, тергеуге өзін абайсызда кесіп алғаны туралы жауап берген деген де ақпарат бар.

Politico.kz оқиғаға қатысты БҚО полиция департаментінің баспасөз қызметіне сауал жолдады.

БҚО Майор Орал Полиция Пышақтау Қылмыстық іс

Бізді Google-дың негізгі дереккөздер тізіміне қосыңыз

Қосу

Оралда полиция майоры әріптесін пышақтады деген күдікпен қамалды – БАҚ

Соңғы жаңалықтар