Президент Әлем чемпионатының жеңімпаздарын құттықтады

Мемлекет басшысы Қасым-Жомарт Тоқаев Ливерпульде өткен бокстан Әлем чемпионатында топ жарған қазақстандық спортшыларды жеңісімен құттықтады, деп хабарлайды POLITICO.KZ.

Президент өзінің Instagram парақшасында ұлттық құраманың керемет нәтиже көрсеткенін атап өтті.

«Ливерпульде өткен бокстан Әлем чемпионатында ұлттық құраманың жеңіс жолын Алуа Балқыбекова, Аида Әбікеева, Төрехан Сабырхан, Наталья Богданова, Айбек Оралбай жалғастырды. Қазақ боксшылары әлем біріншілігінде керемет нәтиже көрсетті. Әйтсе де алдымызда АҚШ-та өтетін Олимпиада ойындары күтіп тұр. Соған қазірден бастап дайындалу қажет. Қазақ бокс мектебінің мерейі әрдайым үстем болсын!», – деп жазды Мемлекет басшысы.

#Бокс #Президент #Қасым-Жомарт Тоқаев