"Психологиямда ауытқушылық пайда болды": "Үкілі бала" Ерболсын Серікбаев бар шындығын айтты

«Үкілі бала» атанып кеткен Ерболсын Серікбаев журналист Аман Тасығанға сұхбат беріп, бала кезін еске алды, деп хабарлайды POLITICO.KZ  Todayinfo.kz ақпарат агенттігіне сілтеп.

«2014 жылы «Кешкі кездесу» бағдарламасынан кейін менің саусақтарымен көрсету үйге қайтып бара жатқан кезден басталды. Өйткені, 11 жастағы бала жарқ етіп Аралдың кішкентай ауылынан шықты. Оны келіп Аман Тасыған көрсетті. Молдалар бар, психологтар бар барлығы 11 жастағы балаға жабылды. Яғни, менің психологиямда бір ауытқулық пайда болды, қорқыныш болды. Бір журналист пен молданы көргеннен кейін барлығының көзқарасы сондай болады деген ұғым болды. Ол жерде барлығы жабылып кеткеннен кейін менде үнсіздік пайда болды, қорқыныш пайда болды. Қазақ менталитетінде үлкен кісіге артық сөйлеуге болмайды, қарсы шығуға болмайды деген бар. Оны қазір түсінемін, бірақ ол кезде оны түсінбедім. Ол жерде 11 жастағы бала өз ойын айтты, өз-өзін қорғау керек болды. Өйткені, ол жерде оны қорғайтын бірде бір адам болған жоқ. Ол кезде болған оқиғаға мен қазір өкінбеймін. Қазіргі таңда оның қорытындылайтын нәтижесі бар», — деді Үкілі бала.