Қазақстанда 2025 жыл жұмысшы мамандықтар жылы болып бекітілді

Қазақстан Президенті Қасым-Жомарт Тоқаев 2025 жылды жұмысшы мамандықтар жылы деп жариялады, деп хабарлайды POLITICO.KZ.

Бұл шешім білім беру саласындағы маңызды реформаларды жүзеге асыру және елімізде жұмысшы мамандықтардың беделін арттыру мақсатында қабылданды.

Тоқаев өз сөзінде жұмысшы мамандықтардың қоғамдағы маңыздылығын атап өтіп, техникалық және кәсіби білім беру жүйесін қайта жаңғыртудың қажеттігін айтты.

«Жұмысшы мамандықтар жылы біздің қоғамда еңбекқорлық пен кәсіпқойлық идеяларын ілгерілетуге ықпал ететін болады», — деді ол 1 қыркүйекте өз Жолдауында.

Бұл бастама кәсіби білім беру саласында маңызды өзгерістерге алып келмек. Оған қосымша, жастар арасында жұмысшы мамандықтарды танымал ету, еңбекқорлықты дәріптеу және кәсіпорындармен тығыз байланыс орнату жоспарланған.