Қазақстанда әйелдерді жүктілікке дайындау үшін 5,1 млрд теңге бөлінді

Денсаулық сақтау министрлігі биыл алғаш рет «Аналар саулығы» мақсатты бағдарламасы аясында жүктілікке дайындық жүргізу үшін 5,1 млрд теңге бөлді, деп хабарлайды POLITICO.KZ.

Бұл қаражатқа болашақ аналар 12 түрлі медициналық тексеруден өтеді.

Ана мен баланың денсаулығын қорғау, болашақ аналарды жан-жақты қолдау мақсатында емханаларда «Әйелдер консультациясы» бөлімшелері қайта ашылды. Мұнда профилактикалық шаралар күшейтіліп, кешенді көмек көрсетіледі.

Сонымен қатар, қауіп тобына жататын және шалғай өңірлерден келген жүкті әйелдерді алдын ала бақылауға алу үшін «Салауатты Ана» пансионаттары жұмысын бастады. Бұл бастама олардың жүктілігін қауіпсіз әрі сапалы өткізуге жағдай жасайды.

Денсаулық сақтау министрлігі жүктілік қаражат