«Қош келдің, Айя-Сафия»: Ақан Сатаев алтыншы рет әке атанды

Танымал режиссер Ақан Сатаевтың отбасында қуанышты жаңалық. Ол екінші жары Альмира Тұрсыннан қызды болды, деп хабарлайды Politico.kz

Сүйінші хабарды режиссер әлеуметтік желідегі парақшасында бөлісті.

— «Алла Тағаланың қалауымен қызым дүниеге келді. Айя-Сафия, қош келдің! Бақытты бол!» — деп жазды ол.

Режиссердің жары Альмира Тұрсын да қуанышын жасырмай, перзентханадан түскен суреттерді жариялады.

— «Менің арманым, менің дұғам, Жаратқанның сыйы. Аллаға сансыз шүкір», — деді ол.

Айта кетейік, Ақан Сатаев бұған дейін бес баланың әкесі атанған. Бұл жолы ол алтыншы рет әке болып, шаңырағындағы қуаныш еселене түсті.