Қостанайда жоғалған жасөспірімнің денесі табылды
Қостанай облысында бұрын жоғалған деп жарияланған жасөспірімнің денесі табылды, деп хабарлайды Politico.kz.
Қостанай облысы полиция департаментінің мәліметінше, жасөспірімнің хабар-ошарсыз жоғалу фактісі бойынша қылмыстық іс қозғалған.
Полиция қызметкерлері Гагарин бөгетінің маңындағы қамыс алқабынан оның денесін зорлық-зомбылық белгілерісіз тапты. Қазіргі уақытта оқиғаның барлық мән-жайын анықтау үшін қажетті тергеу әрекеттері жүргізілуде. Полиция азаматтарды тек ресми ақпарат көздеріне сенуге және тексерілмеген ақпаратты таратпауға шақырды.
Еске салайық, 17 жасар индустриалды колледж студенті Владимир Орел 17 наурызда жатақханадан шығып, жоғалып кеткен болатын. Оның іздеу жұмыстарына полиция қызметкерлері, Ұлттық гвардия сарбаздары және еріктілер қатысқан. Тобыл өзенінің және қала шеткі аймақтарының жерлері күнделікті тексеріліп, бейнебақылау камераларының жазбалары қаралды.
Соңғы жаңалықтар
