Қуат Хамитовтың келесі жекпе-жегі қайда өтетіні белгілі болды

Қазақстандық ММА жауынгері Қуат Хамитов алдағы жекпе-жегі туралы хабарлады, деп хабарлайды POLITICO.KZ.
«Найман» 23 қазан күні Дубайда (БАӘ) өтетін ACA 194 турнирінде өнер көрсетеді. Оның қарсыласы ресейлік спортшы Анатолий Бойко болмақ.
Instagram парақшасында Хамитов жекпе-жек афишасын жариялап, қысқаша былай деп жазды:

«Дубай, 23 қазан. Қуат Хамитов (29-8-2) vs. Анатолий Бойко (12-4)».

Бастапқыда кездесу 14 қыркүйекте Алматыда өтуі тиіс еді, алайда қазақстандық спортшының жарақатына байланысты жекпе-жек кейінге қалдырылған.
Қуат Хамитовтың алдыңғы жекпе-жегі 2024 жылдың қыркүйегінде өткен болатын - ол кезде ол кәсіпқой бокс ережесі бойынша Нұрберген Шәріповті жеңіп шыққан.