Райымбек Баталовтың қызметінен босайтыны жайлы тараған ақпарат жоққа шығарылды

Райымбек Баталов «Атамекен» Ұлттық кәсіпкерлер палатасының төрағасы қызметінде қалады. Ұйымның баспасөз қызметі оның жұмыстан босатылуы мүмкін екені туралы әлеуметтік желіде тараған мәліметті растамады, деп хабарлайды POLITICO.KZ.

Палатаның хабарлауынша, бұл ақпарат шындыққа жанаспайды.

«Жекелеген ақпарат көздерінде тараған Р.Ә. Баталовтың "Атамекен" ҰКП Төралқа төрағасы қызметінен босатылуы туралы ақпарат шындыққа жанаспайды. Бұл мәселе бойынша басқа да мәлімдемелер мен жарияланымдар дәйексіз және құқықтық негізі жоқ. Тексерілмеген ақпаратты таратпауды сұраймыз», - делінген хабарламада.

Айта кетейік, Райымбек Баталов «Атамекен» палатасын 2022 жылдың ақпан айынан бері басқарып келеді.