Ресей Украина балаларын асырап алуға арналған онлайн-каталог жасады

Ресей Украинаның басып алынған аумақтарындағы балаларды асырап алуға арналған онлайн-каталог құрды, деп хабарлайды POLITICO.KZ

Бұл сайт Луганск Халық Республикасының Білім және ғылым министрлігінің ресми сайтында орналасқан.

Бұл сайтта ресейлік отбасылар асырап алуға үміткер баланың суретін, мінезі, қызығушылықтары және мектептегі сүйікті пәндері туралы сипаттамаларды көре алады. Ең қызығы, каталог балаларды жынысына, жасына, шашы мен көзінің түсіне дейін сұрыптауға мүмкіндік береді.

Бұл жүйені алғаш болып Украинаның Save Ukraine қайырымдылық ұйымы мен оның басшысы Микола Кулеба анықтап, дабыл қаққан. Ол бұл әрекетті 21-ғасырдағы нағыз бала саудасы деп атайды.