Суық су тарифтері ақпаннан бастап өзгереді

Алматыда 1 ақпаннан бастап суық су мен канализация тарифтері өзгереді. Бұл туралы Табиғи монополияларды реттеу комитетінің департамент басшысы Әсел Буденеева брифингте мәлімдеді, деп хабарлайды POLITICO.KZ.

Жаңа тарифтер:

• Суық сумен жабдықтау бойынша орташа тариф 135,24 теңге/м³ болады.
• Канализация үшін тариф 83,54 теңге/м³ құрайды.
• Тұрғындар үшін суық су тарифі 91,96 теңге/м³, ал канализация үшін 83,54 теңге/м³ болады.

Пәтерлерге қатысты орташа чек өсуі:

• Бір бөлмелі пәтер (32 м²): суық су – 156 теңге, канализация – 139 теңге (барлығы: 295 теңге).
• Екі бөлмелі пәтер (48 м²): суық су – 234 теңге, канализация – 208 теңге (барлығы: 450 теңге).
• Үш бөлмелі пәтер (88 м²): суық су – 312 теңге, канализация – 278 теңге (барлығы: 600 теңге).

Тұтыну көлеміне қарай тарифтер:

• 3 м³ дейін – 91,96 теңге/м³.
• 3-5 м³ – 110,36 теңге/м³.
• 5-10 м³ – 137,94 теңге/м³.
• 10 м³ асса немесе есептегіш құралдары болмаса – 183,92 теңге/м³.

Алынған қаражат ресурстарды үнемдеу технологияларын енгізуге, жабдықтарды жаңартуға және желілерді жөндеуге жұмсалмақ.

Бұған дейін Алматыда есептегіші жоқ тұрғындарға су тұтыну нормаларының жаңа талаптары енгізілгені белгілі болды.