Танымал әнші Тоқтар Серіков не үшін жылады?

Қазақстанның танымал әншісі Тоқтар Серіков «Жақсы адамдарым» бағдарламасында ұстазы, халық әртісі Алтынбек Қоразбаев туралы әсерлі естелігімен бөлісті, деп хабарлайды POLITICO.KZ Skifnews.kz ақпарат порталына сілтеме жасап. 

Әнші консерваторияның бірінші курсында оқып жүрген кезін еске алып, ұстазымен бірге өткізген ерекше сәтті баяндады.

«Жаңа жылға екі күн қалғанда көкем мені қасына ертіп алды. Сол екі күн бойы бірге жүрдік, достарын араладық. Екінші күні қатты шаршап едік. Бір үйден шығып бара жатқанда көкем аяқ киімін киіп жатыр екен. Еңкеюге шамасы жоқ. Мен оның аяқ киімін кигізіп жаттым. Сол кезде басымды сипап тұрып, «Құлындарым, сендер мені паналап жүрсіңдер ғой, мен сендерге пана бола аламын ба екен?» деді. Сол жерде көкем басымды сипап тұрып, құлындарым, сендер мені паналап жүрсіңдер ғой, мен сендерге пана бола аламын ба екен деді. Сол жерде ішімнен көке, сенің атыңды қайтсем шығарамын деп серт бердім. Сол сәт менің тағдырым шешілгендей болды», — деді Тоқтар Серіков көзіне жас алып.

Өнер иесі ұстазының атына лайық болуға серт бергенін айтып, бұл уәдесін орындағанына шүкіршілік білдірді.