Танымал блогерлер Жанабыловтар отбасы түрмеге отыруы мүмкін

Астанадағы сот Ерболат Жанабылов пен Эльмира Толегенованың істерін әкімшілік емес, қылмыстық сипатта деп таныды, деп хабарлайды POLITICO.KZ.

Судьялардың шешімі бойынша, блогерлердің әрекеттерінде заңсыз кәсіпкерлік белгілері бар. Сондықтан материалдар Агенттіктің Қаржы мониторингі жөніндегі Экономикалық тергеп-тексеру департаментіне жіберілді.

Атап айтқанда:

Жанабылов – жеке кәсіпкерлік арқылы қызмет көрсеткенімен, әрекеттері заңсыз кәсіпкерлікке жатқызылды.
Толегенова – курстар сатып алған адамдар арасында ақшалай ұтыстар ұйымдастырған, бұл да лотерея заңнамасын бұзу ретінде бағаланды.

Осыған байланысты танымал жұпқа қатысты іс енді қылмыстық деңгейде қаралады.

Еске сала кетейік, Ерболаттың аккаунтында 8,4 млн, Эльмираның парақшасында 7,1 млн жазылушы бар. Олардың ұтыс ойындары жиі желіде хитке айналатын.