Теміртауда есірткіге қарсы «қырандар» тобы құрылды

Теміртауда есірткіге қарсы «қырандар» тобы құрылды, деп хабарлайды POLITICO.KZ.

Теміртау қаласының белсенді жастары синтетикалық есірткінің таралуына қарсы күреске белсене араласты. Олар есірткі таратушыларға қарсы бағытталған республикалық #сатқындар науқанына қосылып, қалада алғашқы «қырандар» тобын құрды.

Биыл қыркүйек айында басталған бұл бастама қала жастарының өз еркімен қолға алынған игі ісі болып отыр.

«Қырандар» деп аталған топтың мүшелері есірткі саудасымен айналысатын «сатқындарды» анықтап, оларға қарсы қоғамдық күрес жүргізуді мақсат тұтады. Жастар бұл бағытта ауқымды жұмыс атқарып, алғашқы нәтижелерін көрсете бастады.