Трамптың ұлы Зеленскийге: "Ресеймен соғыста АҚШ-тың ақшасынсыз жеңуге тырысып көр"

АҚШ президенті Дональд Трамптың ұлы Кіші Дональд Трамп Украина президенті Владимир Зеленскийді АҚШ-тың қаржылық көмегінсіз Ресейге қарсы соғыста жеңіске жетуге шақырды, деп хабарлайды POLITICO.KZ.

Трамп кіші Х әлеуметтік желісінде (бұрынғы Twitter) Украина президентінің бет-әлпеті қойылған дипфейк-видеоны бөлісіп, оны келемеждеген. Бейнероликте Зеленский "Дискотека Авария — Новогодняя" әніне билеп жүргендей көрсетілген.

"Зеленскийге шын мәнінде АҚШ-тың шексіз қаржылық көмегінсіз соғысты жеңуге тырысып көру керек. Қызық, не болар екен?" – деп жазды Трамптың ұлы.

Зеленский бұл мәлімдемеге әлі жауап берген жоқ.