"Ұрлай берсін": белгілі ақын Ұлықпан Жолдасов әнін рұқсатсыз айтып жүргенін мәлімдеді

Ақын, Мемлекеттік сыйлықтың иегері Серік Ақсұңқарұлы «Adal Adam» YouTube арнасына берген сұхбатында көп жылдан бері композитор, әнші Ұлықпан Жолдасов орындап жүрген «Табиғатым – махаббатым» әнінің авторы өзі екенін мәлімдеді, деп хабарлайды Politico.kz.

Ақынның айтуынша, бұл өлеңді ол 20 жасында Қарқаралыда Ләйлі есімді қызға ғашық болып жазған. Ән бастапқыда «Махаббат бұлбұл» деп аталған.

«Бұл әннің авторы – менмін. Мұны Қарқаралы түгел біледі. Алматыда жүрген Ерлан Төлеутай да, журналист Мағауия Сембай да бұл өлеңнің маған тиесілі екенін жақсы біледі. Ол кезде авторлық құқық деген ұғым жоқ еді. Әнім студенттер арасында тарап кеткен. Кейін біреулер иемденіп алған», – дейді ақын.

Серік Ақсұңқарұлының сөзінше, өлең жолдары оның жеке жинақтарында да жарияланған, ал әннің атауы кейін өзгертіліп кеткен.

Соған қарамастан, ақын бұл мәселеге байланысты сотқа жүгінуді ойламайтынын айтты.

«Соттасу маған ұят. Алса, ала берсін», – деп түйіндеді ол.

автор Ұлықпан Жолдасов Әнші өнер

"Ұрлай берсін": белгілі ақын Ұлықпан Жолдасов әнін рұқсатсыз айтып жүргенін мәлімдеді

Соңғы жаңалықтар