«Вице-президент кім болады?»: Мәулен Әшімбаев жауап берді

Сенат төрағасы Мәулен Әшімбаев вице-президент қашан сайланатынын айтты, деп хабарлайды Politico.kz.

Мәулен Әшімбаевтың айтуынша, вице-президент Құрылтай жасақталған соң сайланады. Бұл – президенттің құзыретіндегі мәселе.

Бұл туралы спикер Сенат кулуарында БАҚ өкілдерінің сұрақтарына берген жауабында айтты. 

Журналистер Сенат төрағасынан «Вице-президент кім болады?» деп сұрады. 

«Әзірге Қазақстандағы вице-президент қызметіне үміткердің кім болатыны белгісіз. Бұл мәселе толықтай Қасым-Жомарт Тоқаевтың құзыретінде.  Одан әрі жаңа парламент – Құрылтайдың құрамы жасақталғаннан кейін Президент тиісті шешім қабылдайды», -  деді ол.