Жамбыл облысында ер адам жүкті әйелін жантүршігерлік жағдайда пышақтап өлтірді

Жамбыл облысында жүкті әйелін пышақтап өлтірген ер адамға үкім шықты, деп хабарлайды POLITICO.KZ.

Жамбыл облысының қылмыстық істер жөніндегі мамандандырылған ауданаралық соты жүкті әйелін өлтірген ер адамды 15 жылға бас бостандығынан айырды.

Қанды қылмыс 2024 жылдың тамызында Қордай ауданы Масанчи ауылында болған. Тергеу мәліметтері бойынша, отбасылық жанжал кезінде ер адам әйелінің жүктілігі екенін біле тұра оған пышақ ала жүгірген.

Әйел сол жерде қайтыс болды.

Прокурорлар ер адамды 18 жылға бас бостандығынан айыруды сұрады. Алайда сот сотталушының кәмелетке толмаған балаларының болуын ескеріп, оны 15 жылға бас бостандығынан айырды.