Желіде Рахат Әлиевтің екінші некеден туған қызының суреті тарады

Өзін Наргиза Рахатқызы деп көрсеткен бойжеткен анасының аты Эльнара Шоразова екенін мәлімдеді. Эльнара Шоразова — Рахат Әлиевтің екінші некедегі жұбайы. Олар 2009 жылы Венада некеге тұрып, сол кезде Әлиев күйеуінің тегі ретінде Эльнараның фамилиясын қабылдап, «Шораз» болып өзгерткен. Эльнара Шоразова шамамен 1970 жылдардың ортасында дүниеге келген деген болжам бар. Бұған дейін ол Қазақстанның Австриядағы елшілігінде атташе және үшінші хатшы қызметін атқарған, кейін екінші хатшы лауазымына көтерілгені туралы деректер бар.

Рахат Әлиевке қатысты Еуропа сотында Эльнара Шоразова жұбайы ретінде Мальтада мүлкі бұғатталғаны үшін шағым түсірген. Сот нәтижесінде оған 300 мың еуро көлемінде өтемақы төлеу туралы шешім шыққан. Сонымен қатар, Шоразова Австрия мен Германияда Әлиевке қатысты ұйымдастырылған қаржылық схемаларға байланысты істерде белсенділік танытып, Мальта мен Германия тарапынан тергеу материалдарының Қазақстанға жіберілуін талап еткен. Алайда бұл құжаттар білім емес, саяси мақсатта құрылды деген пікірлер де айтылған.

Айта кету керек, 2007 жылы Қазақстанда «Нұрбанк» басшыларының жоғалуына байланысты қозғалған қылмыстық іс қоғам назарын аудартқан маңызды оқиғалардың бірі болды. Тергеу барысында сол кезеңде белгілі саясаткер әрі кәсіпкер Рахат Әлиевтің аты аталса, ол банк акционерлерінің бірі ретінде тіркелген еді. Тергеу материалдары бойынша, Әлиев серігі Вадим Кошлякпен бірге банк басшылығында қызмет еткен тұлғаларды әкесіне тиесілі агрофирма аумағына күштеп апарып, сонда ұстаған. Бұл әрекеттің мақсаты банк қызметкерлерінің жеке мүлкін иемдену болған деген күдік айтылған. Оқиға қоғамда үлкен резонанс туғызып, БАҚ-та кеңінен жарияланды.

2007 жылдың 26 мамырында Рахат Әлиев мемлекеттік лауазымдарынан ресми түрде босатылды. Кейін Қазақстаннан шығып, халықаралық іздеуге жарияланды. Жақын арада оның Австрияда жүргені анықталды. Қазақстанның Бас прокуратурасы Австрия билігіне Әлиевті экстрадициялау туралы ресми сұрау жолдағанымен, Вена соты оны қамауға алғанмен, Қазақстанға қайтарудан бас тартты. Бұл шешім Австрияда саяси себептерге байланысты босқын мәртебесі берілуі мүмкін деген уәждермен түсіндірілді.

Содан кейін Рахат Әлиев Австрияда ұзақ уақыт тұрып, өзіне тағылған айыптарды жоққа шығаруға тырысты. Алайда 2015 жылы ол Венадағы абақтыда жұмбақ жағдайда қайтыс болды. Ресми нұсқа бойынша, ол өз-өзіне қол жұмсаған.