Жеңіс Елемесов: Перизат Қайраттың артында жоғары лауазымды тұлғалар жоқ

Қаржылық мониторинг агенттігі Перизат Қайраттың ісіне қатысты қоғамда жиі талқыланған сұраққа жауап берді. Агенттіктің мәлімдеуінше, оның артында ешқандай жоғары лауазымды тұлғалар тұрмаған.

Бұл туралы бүгін Сенатта Қаржылық мониторинг агенттігі төрағасының орынбасары Жеңіс Елемесов мәлімдеді. Оның айтуынша, бұл істе Перизат Қайраттың өзі мен оның анасынан басқа адам болмаған.

«Біз ең алдымен, ақшаның соңғы иесі кім екенін анықтауға тырыстық. Қорға келіп түскен қаражатты соңында Перизат Қайрат пен оның анасы иемденіп отырған», деді Жеңіс Елемесов.

Сурет: Ашық Дереккөз
Бейне: ORDA