«Жеребеде мүмкіндігінше көбірек топ-клубтардың түскенін қаладық» — «Қайраттың» бас бапкері

Алматылық клубқа әлемнің алпауыт командалары қарсылас атанды. Соған қарамастан клубтың ойыншылар құрамында жыл соңына дейін өзгерістер болмайды. "Қайраттың" бас бапкері Рафаэль Уразбахтин өз командасының Чемпиондар Лигасының жалпы кезеңіндегі жеребенің қорытындысына қатысты пікір білдірді, деп хабарлайды POLITICO.KZ  inbusiness.kz сайтына сілтеп. 

"Реалмен" ойнайтынымыз қуантады. Қазақстанға мұндай клубтың келуі өмірде жиі бола бермейді. Бұл хабарды естігенде қатты қуандық. Қарсылас ретінде жеребеде мүмкіндігінше көбірек топ-клубтардың түскенін қаладық. Қазірдің өзінде "Реал", "Интер", "Арсенал" бар. Керемет командалар. Олардың бәрімен кездесуге мүмкіндік туатынына ризамыз.

Жеребе қорытындысына көңіліміз толады. "Реал" — түсіндіруді қажет етпейтін клуб. "Интер" соңғы жылдары Чемпиондар Лигасында ойнап жүр. Сол "Арсенал" жартылай финалда ойнады әрі Англияда чемпиондық үшін тұрақты түрде күреседі. "Брюгге", "Спортинг", "Олимпиакос", "Пафос" және "Копенгаген" — өз елдерінің чемпиондары атанған топ-клубтар. Деңгейі өте жоғары.

Әрине біз олардың қасында кішкентай болып көрінуіміз мүмкін. Бірақ футболда бәрі мүмкін екенін ұмытпайық. Үй матчтарында өз алаңымызға, жанкүйерлерімізге сенеміз. Қай уақытта ойнайтынымыз бен ауа райы да маңызды. Тағы бір жайт — оларға Еуропадан бізге ұзақ жол жүріп келуге тура келеді. Мұндай факторлар аз емес. Дегенмен қарсылас футболшыларының деңгейі өте жоғары. Сондықтан ұшып келу оларға қиындық тудырады деп ойламаймын. Біз алаңда бар күшімізді салып, соңына дейін күресеміз", — деді Уразбахтин.